一：父子
小企業的柔韌度在於：沒特別工作在趕，就算中午八號風除下，也不用急著上班，反正銀行今天不營業，何苦難為員工？就休假一天（多謝老闆！）
下午去買東西，外面的風仍很大，一路上到處是小樹枝、樹葉、垃圾。以為成年人都上班去，怎知到處都是人人人，父母帶著孩子逛街；女傭放狗順便selfie。
經過馬會投注站，想看一下六合彩攪珠結果。站在門側的六合彩結果公佈板細細唸著號碼（有利記下），旁邊站著一對父子，像在等人。
「爸B，媽咪入去做乜嘢呀？係咪買馬仔呀？」看似三、四歲的幼兒一直搖著爸爸的手，很興奮的問。
「而家無馬仔買㗎啦。」
「點解呀？點解呀？點解呀？點解呀？點解呀？」
「因為馬仔要放暑假囉。」父親一手把小孩抱起。
「咁馬仔放暑點會唔會去玩㗎？會唔會去旅行㗎？」
「唔會去玩㗎。」
「咁使唔使好似哥哥咁做暑期作業㗎？」
「馬仔唔使做暑期作業，之但係馬主可能要。」
「馬主係乜嚟㗎？」
「馬主咪係馬仔嘅主人囉。」
「咁即係爸爸同媽咪同埋我同埋哥哥？姐姐係咁講。」
「差唔多係咁。」
「咁馬主嘅暑期作業做啲乜？」
「應該係同啲馬仔做啲分析啩！」
「分色？係咪幫啲馬仔分番開啡色、咖啡色、啡色、好淺啡色、好深啡色，同埋屎色！哈哈哈～～～」
噗，實在忍不住笑了出來，被那位老老竇竇發現我在偷聽，唯有撇’s…去超級市場入貨。
屁孩的世界觀太可愛了。
二：蘇麗珊
超市採購完畢回家，頭耷耷等過馬路，旁邊路人開始向前踏步，便知道已轉行人燈號。
大踏步過馬路時看到迎面一個亮點－－蘇麗珊。
個子好小，戴著白色鴨舌帽，手執怪怪的像旗幟又像傘的東西。塗得紅紅的蘋果臉，樣子非常甜美，與男友人邊行邊談笑（或是男朋友？或是同學？那男生的臉長得很普通，所以沒有印象，而且比我矮。）
年輕貌美真好，走起路來也閃閃發亮，令四周平凡的更顯平凡，甚至黯然。